Invertebrados. Oligoquetos

A maior parte da fauna invertebrada pasa desapercibida debido ó seu reducido tamaño, sen embargo, é a máis diversa do reino animal. Os invertebrados cumpren un papel primordial nas cadeas tróficas e na transformación no medio no que viven, sendo unha base fundamental do funcionamento dos ecosistemas.
Os oligoquetos ou miñocas de terra son pequenos animais que conforman a primeira biomasa dos ecosistemas edáficos. A súa actividade aumenta a microporosidade do solo, estimula a actividade de microorganismos aerobios e a súa presenza acentúa os procesos de fixación do nitróxeno. Airean e removen o solo, axudan ós procesos de humificación, forman agregados do solo estables e por tanto, melloran as características físico-químicas dos solos nos que habitan.

Nas Cíes existen tres familias de miñocas: Lumbrícidos, con dez especies presentes, Criodrílidos y Acantodrílidos, cada unha con súa especie.

Entre os Lumbridos é de destacar o Allolobophora oliverirae limicola, que é unha especie moi rara e soe atoparse no noroeste ibérico. Das pertencentes ás outras dúas familias, destacar Microscolex phosphoreus e Criodrilus lacuum, son interesantes por ser pouco citadas na Península Ibérica.

Anfibios e réptiles

Os anfibios son pouco frecuentes debido á escaseza de auga, aínda así, atópanse especies en escaso número de píntega (Salamandra salamandra) e sapiño pintoxo (Discoglossus galganoi). En canto ós réptiles, podemos atopar especies interesantes como o eslizón ibérico (Chalcides bedriagai) que é un endemismo ibérico de moi restrinxida distribución en Galicia, a lagartixa ibérica (Podarcis hispanica), o lagarto ocelado (Lacerta lepida), o escáncer (Anguis fragilis) e o eslizón común (Chalcides striatus), e tamén dúa serpes (Coronella girondica e Natrix maura), moi escasa, totalmente inofensivas e non velenosas.

Mamíferos

Os mamíferos tamén están representados nas illas, pero por comunidades máis reducidas que no caso das aves. Podemos atopar coellos (Oryctolagus cuniculus), ourizo común (Erinaceus europaeus) e a lontra (Lutra lutra), son os únicos mamíferos de certo porte. Entre os micromamíferos podemos observar a rata gris (Rattus norvegicus), a rata negra (Rattus rattus), o rato doméstico (Mus domesticus) e a musaraña (Crocidura russula). Outro tipo de mamíferos son os de carácter voador, os morcegos aparecen representados por dúas especies (Pipistrellus pipistrellus e Eptesicus serotinus).

Avifauna

Unha gran cantidade de especies de paxaros, como a carriza (Troglodytes troglodytes), o paporrubio (Erithacus rubecula), a tarabilla común (Saxicola torquata), o merlo común (Turdus merula), a curruca rabilonga (Sylvia undata), a curruca cabecinegra (Sylvia melanocephala), o colirroxo tizón (Phoenicurus ochruros), os ferreiriños e carboneros (Parus spp.), o pinzón vulgar (Fringilla coelebs), o verdecillo (Serinus serinus) ou o pardillo común (Carduelis cannabina), entre outros moitos, nidifican, invernan ou descansan nestas illas nas súas viaxes migratorias. Tamén se poden atopar neste arquipélago o azor común (Accipiter gentilis), o busardo ratoneiro (Buteo buteo), a pomba torcaz (Columba palumbus), o pico picapinos (Dendrocopos major), o chotacabras gris (Caprimulgus europaeus), cornexa (Corvus corone) ou a tórtola turca (Streptopelia decaocto).

Avifauna rupícola

Nos acantilados nidifican 2-3 parellas de falcón peregrino (Falco peregrinus), máis de 15 parellas de cirrio grande (Apus melba) que é a poboación Galega máis importante, a chova piquirroxa (Pyrrhocorax pyrrhocorax), a gralla pequena (Corvus monedula) e o corvo (Corvus corax).

Avifauna non nidificante

Entre as aves mariñas non reprodutoras nas illas destaca a presenza do cormorán grande (Phalacrocorax carbo), que emprega as illas principalmente como dormideiro (máis de 500 exemplares) durante a temporada invernal, dispersándose durante o día polo litoral da Ría de Vigo. O arao común (Uria aalge), extinto como nidificante en 1988 pero común como invernante e migrante. A pardela balear (Puffinus mauretanicus) que se pode observar na época estival, está declarada como en Perigo de Extinción no Catálogo Nacional de Especies Ameazadas.
As importantes poboacións de aves mariñas fixeron posible a declaración das Cies como ZEPA (Zona de Especial Protección para as Aves) por parte do Estado Español, seguindo a lexislación da Unión Europea.

Avifauna nidificante

As Illas Cíes son internacionalmente coñecidas por albergar importantes poboacións de aves mariñas. Ademais, acollen interesantes especies de aves non mariñas e outra clase de vertebrados, especialmente réptiles. Non existen cursos de auga permanentes, polo que non hai peixes continentais nin apenas anfibios.
Con respecto á avifauna, o arquipélago foi incluído no inventario de áreas Importantes para as aves en España (IBA 001 Islas Cíes; SEO/BirdLife, 1998). Alberga interesantísimas colonias de aves mariñas, algunhas delas de importancia excepcional.Dentro da avifauna nidificante atopamos a gaivota patiamarela (Larus cachinnans) que é a especie máis abundante na illa, con 18000-22000 parellas, ten aquí a súa poboación nidificante máis importante do mundo. Concentra arredor do 10% da súa poboación global, constituíndo a colonia máis importante desta especie no planeta. Tamén nidifican outras aves mariñas ameazadas ou de distribución moi restrinxida en España como unhas 3 parellas de gaivota sombría (Larus fuscus), un pequeno núcleo de paiño europeo (Hydrobate pelagicus), que é a menor das aves mariñas europeas, de dificilísima observación pero de grande interes e o cormorán moñudo (Phalacrocorax aristotelis).